Nos hendenan.

Un lista balansá: Pa Pueblo, Den Pueblo i Pa Pueblo.

#1

Sr. Luigi Faneyte: Lider Politiko i Co-fundador di Partido KUMUN. Sr. Luigi Faneyte a nase na Kòrsou. Ku su 18 aña el a kaba 6 vwo na Radulphus College i a bai Hulanda pa sigui su estudio di Bedrijfseconomie (Accountancy/Controller i Organisatie & Strategie) na Katholieke Universiteit Brabant, entre tantu Tilburg University. Despues di su estudio Sr. Faneyte a traha na Algemene Rekenkamer Nederlandse Antillen, Algemene Rekenkamer Curaçao, Algemene Rekenkamer Nederland i Rekenkamer Den Haag. Na tur el a traha 14 aña den mundu di kontrol finansiero di gobièrnu kaminda el a kontrolá èks isla Kòrsou, èks isla Bonaire, èks Pais Antias Hulandes, Pais Kòrsou, Pais Hulanda i munisipio Den Haag. Banda di esei Sr. Faneyte a bishita Kontraloria General di Repúblika di Colombia I Kontraloria General di Aruba. Sr. Faneyte tin e títulonan di doctorandus i master òf science den Ekonomia i ta sertifiká komo “fraud examiner”, “internal controls auditor” i “controls specialist” i ta sertifikando komo “internal auditor” i “public accountant”. Aktualmente Sr. Faneyte ta un empresario individual eksitoso i ta brinda servisio den audit, business consultant i financial reporting na empresanan chikí i mediano.

#2

Sr. Eldrin (Poekie) Alberto: Lider i co-fundador di Partido KUMUN. E personifikashon di Kòrsou ku a kai suela abou, pero a sabí di lanta para bek di un forma eksitoso. E tin 2 título nivel bachelor i mihó geslaagd den e área Marketing management, Social & counseling i ta un empresario di kadenanan di restorant eksitoso na Kòrsou.

Foto's Lijst2.jpg

#3

Sr. Gregory Gonzales: 34 aña di eksperensia den kuerpo polisial i spesialisá riba diferente ramo den kuerpo polisial. Aktualmente hefe di e departamento di lei nan spesial. Miembro di direktiva di AMAK  i tambe miembro di direktiva di Instituto pa Formashon Musikal.  Tambe e ta sosialmente i  kulturalmente aktivo den nos komunidat.

#4

Sr. Otniël d’Aguiar: Miembro di kuerpo polisial. Tin 8 aña di eksperensia komo reshèrshi i polis.

#5

Sra. Denise (Tietie) Harms: Presidente di direktiva di Partido KUMUN. Sra. Harms tin sigur 30 aña den KPC, e ta ámtenar i e lastu 6 añanan aki e la drenta sindikato NAPB komo plaatsvervangende lid, despues a wòrdu nombra komo secretaris, despues penningmeester i na 2019 alabes plaatsvervangende voorzitter den CCVV i lid di CGOA pa NAPB. Na 2020 e la wòrdu skohe komo secretaris pa sindikato STRAF i asigna ku tarea pa KPC den direktiva diario te ku 2023.

#6

Sr. Anthony Weber: Estudio Universitario den richting Bestuur en Planning. Eks trahadó di kontrolaria General. Sr. Weber ta un di e Co-fundadornan di partido Denk na Den Haag Hulanda. A traha komo beleidsadviseur Caribisch gebied den Tweede Kamer. I tambe a kore kampaña pa e partido mas grandi di Kòrsou. Den su bida diario e ta coach di futbòl na Victory Boys.

#7

Sra. Sjadezka Dewindt: ta representá e sektor di enseñansa i ta direktor athunto na un skol di fundeshi.

#8

Sra. Sumayra Abdala: tin un titulo universitair den sektor finansiero. E tin sigur 10 aña di eksperensia den e sektor finansiero. A traha na gobiernu di SXM i a traha komo konsehero finansiero di SG i Minister pa e ministerio di onderwijs, cultuur jeugd en sport na SXM.

#9

Sra. Jadira Bislick: Un persona konosí komo un profeshonal den diferente área e.o. asistensia legal, imigrashon i produktor di media. Yuda su próhimo ta un prioridat personal pa años kaba, ku obranan di karidat den diferente instansia i gruponan. Na kaminda pa bira un maestro den lei saliendo for di e punto di bista ku: Sirbi no ta kiko bo hasi, pero ken bo ta, ku humildat dilanti.

#10

Sr. Antonio Rebolledo: A nase na Venezuela, di mama kurasoleño i tata venezolano. Ela biba, traha i studia na Kòrsou riba nivel akadémiko na universidat di Kòrsou den e sektor Tékniko. E ta un bachelor den siensia di arkitektura i civiele techniek i ku hopi eksperensia den ingenieria di koeltechniek. A hasi su formashon polítiko den un partido polítiko eksistente na Kòrsou.

#11

Sr. Geronimo Goeloe: Un di nos atletanan i baluarte Olímpiko di 100 i 200 i 400 meter. Dosente di gym i ingles ya pa 4 aña. E tin un master degree Ingles komo segundo lenguage. E tin su bachelor den psychical education i MBO facilitaire dienst verlening.

#12

Sr. Luigi Schenker: ta un persona ku hopi aña di eksperensia den e mundu bankario.

#13

Sr. Aldino Schoop: Tin un título Bachelor in Social Sience, tambe Estudio Agógiko i  un "Diplomado Internashonal de Teoria Política i Gestion Publico". E tin eksperensia amplio den Polítika, Guia di hóben nan i detenido nan den e arena Hudisial. Konosí den e area di Kultura i  Promoshon Turístiko.

#14

Sr. Giancarlo Hernandez: Co-fundador di partido KUMUN, Empresario komersial i tambe doño di future band. Eksperensia den farándula i tambe e sektor kultural.

Foto's Lijst3.jpg

#15

Sr. Omar Ayubi: Ta un empresario i tin mas ku 20 aña eksperensia den sektor di gaming i sport betting. Èks trahadó di BAB, A traha tambe den gaming control board i tin konosementu finansiero.

#16

Sr. Cornelis Elshot: Tin un background di ICT, Business Process Management i Maneho (Beleid). E la traha riba diferente proseso i prosedura di Gobièrnu i sa unda tin kos ta bai robes. Un Gobièrnu ku no traha segun proseso i prosedura ta pega dimés.

#17

Sr. Kevin de Haseth: Ta un empresario nivel bachelor den sektor di turismo i multi-media marketing. E ta konosí tambe komo fotografo profeshonal na Korsou.

#18

Sra. Bianca Doedel: A nase na Hulanda, a bai skol na Kòrsou i Hulanda. Un fruta di skol di fishi. A studia Administratie/Kantoorpraktijk, Bedrijfseconomie i Commercieel economie riba nivel VSBO, MBO i HBO. Un persona multifunshonal den diferente área, p.e. finansiero, atministrativo, asuntunan personal, koordinadó, auditing, kolaboradó, partisipe den projekto nan i hopi mas.

#19

Sra. Haicheline Rosinda: Ta HBO Juridisch assitent opgeleid i tin tambe su diploma niveau 4 sociaal Juridisch. Aktualmente e ta un ámtenar ku ta traha na vergunningen lokèt i tin eksperensia tambe den e departamento di Kranshi. Yu di konosido Joy ku semper ta sali na defensa di taksistanan.

Hendrick.jpg

#20

Sr. Hendrick Veeris Visser: Ta un captain of industry den e área di aviashon, turismo, náutika i ekonomia.

#21

Sr. Ikej Jeserun: Un genio musikal ku diferente premio musikal riba su nòmber. Ikej ta VWO opgeleid i ta un dosente di músika ku a traha na diferente skol i internat aki na Kòrsou. Ikej a traha mas ku 40 aña pa touristen bureau, respresentando pais Kòrsou rònt mundu i tokando ku diferente grupo i kantante famá. Pa años e ta entretené grandinan i pashèntnan terminal gratuitamente ku su músika den diferente instituto. I awe ku honor e tambe ta un Ridder in Orde van Oranje Nassau.

No ta loke ta hasi nos diferente. Ta loke nos tin en komun.

Luigi Faneyte, Lider Politiko KUMUN