KUMUN lo kontrolá, ehekutá i hiba polítika riba e “issue”, ku kontenido i nivel.

KUMUN kièr maneho i kontrol elevá. KUMUN ta pone hende ku formashon pa drenta Staten i Ministerraad. Pa Staten e kandidatonan di KUMUN mester tin un nivel mínimo di edukashon i/òf formashon nivel HBO. Pa ministerraad e kandidatonan di KUMUN mester tin mínimo un nivel di edukashon i/òf formashon nivel WO òf mas haltu. KUMUN su ministernan lo ta “vakministers”. KUMUN ta skohe hende ku karakter i vigor, hende ku por tuma desishon i ku kurashi pa ehekutá i ku ta respetá norma i balor, hende ku no ta buska algu personal. KUMUN su kanditatonan ta hendenan apto i kapas pa hasi e trabou di gobernashon. Esakinan ta e reglanan di kas i básiko di KUMUN.

Título so no ta hasi un ser hende, bo formashon, bo karakter i loke bo a haña na kas pa loke ta trata norma i balor ta loke ta forma un hende. E famia KUMUN su hendenan tin moral i ta integro, no tin dòbel agènda ora ta drenta partido. KUMUN su hendenan sea ta “kla kaba den bida”, tin nan propio negoshi, i òf por haña un trabou na nivel mirando nan edukashon, formashon, eksperensia i ekspertisio pafó di gobièrnu. No ta importá edat, for di yòn te ku edat avansá, muhé òf hòmber, pretu òf blanku, preferensia privá òf kredo, pero ki balor agregá por aportá na pais i e partido. KUMUN ta traha riba futuro lidernan manehadó i kontroladó pa Kòrsou ku ta apto i kapas.

Kon KUMUN ta bai drecha reputashon polítiko di Kòrsou?

Kiko UPG i LGO ta nifiká?

UPG ta para pa “Ultraperifeer gebied” (UPG) of “Ultraperifere regio” (UPR). LGO ta para pa “Landen en gebieden overzee”. Un pais ku e status di UPG ta forma parti integral di e teritorio komunitario di Union Europeo. Ora un pais tin un status di UPG outomátikamente e leinan òf tratadonan di Union Europeo ta konta pa e pais. Un pais ku e status di LGO NO ta forma parti integral di e teritorio komunitario di Union Europeo. Ora un pais tin un status di LGO e leinan òf tratadonan di Union Europeo NO ta konta pa e pais (ku eksepshon di sierto leinan ku ta ser regla via asina yama “LGO-wetten”).

Kiko ta enserá ta un munisipio (gemeente) Hulandes ku UPG-status?

UPG ta para pa “Ultraperifeer gebied” (UPG) of “Ultraperifere regio” (UPR). LGO ta para pa “Landen en gebieden overzee”. Un pais ku e status di UPG ta forma parti integral di e teritorio komunitario di Union Europeo. Ora un pais tin un status di UPG outomátikamente e leinan òf tratadonan di Union Europeo ta konta pa e pais. Un pais ku e status di LGO NO ta forma parti integral di e teritorio komunitario di Union Europeo. Ora un pais tin un status di LGO e leinan òf tratadonan di Union Europeo NO ta konta pa e pais (ku eksepshon di sierto leinan ku ta ser regla via asina yama “LGO-wetten”).

Manera ya a menshoná UPG i o UPR ta para pa ultraperifeer gebied / ultraperifere regio. E tratadonan di Union Europeo ta brinda e posibilidat pa tur èks kolonia skohe sea pa un LGO- status òf un UPG-status i e posibilidat pa kambia di status. Ora Kòrsou skohe pa un UPG- status esei ta nifiká ku e tratadonan di Union Europeo firmá na Lisboa (2007), Maastricht (1992) i Roma (1957) ta aplikabel pa Kòrsou tambe.

Artíkulo 299 insiso 2 ta brinda tur èks kolonia (den e kaso aki Kòrsou) ligá na un pais miembro di Union Europeo (den e kaso aki Hulanda) ku ta opta pa e status di UPG e derecho di tene kuenta ku derogashon. Naturalmente debí na e distansia entre e èks kolonia (Kòrsou) i e pais miembro di Union Europeo (Hulanda) i Union Europeo mes, semper lo tin diferensia den p.e. kultura, norma i balornan kompañá ku retraso den e èks-kolonia su desaroyo tantu ekonómikamente, finansieramente i sosialmente. Aplikando e lei di derogashon Kòrsou na su turno tin posibilidat pa por ahustá e leinan di tratadonan di Union Europeo na e realidatnan kultural, finansiero, ekonómiko i sosial di nos pais. E leinan di e tratadonan di Union Europeo no mag ser imponé riba nos. Kòrsou ta disidí ki dia e ta kla pa aseptá sierto leinan Den praktiká semper por tin sierto leinan, ku pa Kòrsou su kaso spesífiko, mirando nos nivel sosial, ekonómiko i finansiero lo tuma tempu pa ahustá. Tin leinan ku na Hulanda/Europa ya ta vigente pero ku na Kòrsou ainda nos no ta prepará pa dil kuné. Pensa riba por ehèmpel kasamentu di mesun sekso, legalisashon di mariwana, lei di eutanasia, aborto, etc. Hulanda tin e deber kolonial konforme artíkulo 1, artíkulo 2, artíkulo 55 i artíkulo 73 di Karta Magna di Nashonan Uní, Resolushon 1514 di Nashonnan Uní i artíkulo 94 di Konstitushon Hulandes pa guia i asistí Kòrsou den realisá i konkretisá e proseso aki!

For di aña 1957 Kòrsou tin un LGO-status. Esaki ta nifiká ku e tratadonan di Union Europeo no ta vigente pa Kòrsou. Den e kaso di un LGO-status, ta e èks kolonisadó of e pais miembro di Union Europeo (den e kaso aki Hulanda), ta disidí kua leinan di e tratadonan di Union Europeo e ta apliká pa su èks kolonia (den e kaso aki Kòrsou). E leinan ei ta wòrdu reglá den asina yama ” LGO-wetten”. E motibu pa kual KUMUN ta skohe pa un UPG-status i no LGO- status ta pasó Kòrsou lo tin hopi benefisio na esaki i lo bai dilanti. Si bo ta biba na Hulanda i bo ta pober, ta paso bo mes a skohe pa ta pober. Hulanda tin tur fasilidat, rekurso i provishon ku ta yuda e hende hisa su nivel i kalidat di bida, basta e hende mes ke. Tur pais na mundu tin pobresa. Aktualmente tin mas o ménos 160.000 YDK ku a bai biba na Hulanda. Si Hulanda no a funshoná niun YDK lo no a bai Hulanda. Awor aki Kòrsou ta na punto pa 160.000 YDK mas bai biba Hulanda. Esaki lo krea un “brain drain” ku Kòrsou por lo pronto lo no rekuperá di dje si Kòrsou keda den e mesun situashon aki di bankarota i KUMUN ke evitá ku pesei mas YDK ta bai laga Kòrsou.

Dikon KUMUN ta skohe pa un UPG-status?

Na 2010 islanan BES a skohe pa bira parti di Hulanda, di kua esei a ser reglá pa medio di un asina yama “bijzondere gemeente” manteniendo nan LGO-status i no ku un UPG-status. E tempu ei nan no tabata sa ki kontenido mester a duna na e relashon ku Hulanda, algu ku nan mes a skohe p’é. Hulanda e ora ei mes a disidí pa e islanan aki, kua kontenido e ta duna na nan deseo. Pesei BES no ta munisipionan “kompleto” di Hulanda (ainda) i pesei nan no ta forma parti integral di e teritorio komunitario di Union Europeo (ainda). E palabrashon ku Hulanda i Union Europeo tabatin ku otro promé ku 2010 ta, ku despues di 10 aña una bes BES opta pa forma parti di Hulanda ku nan lo bira parti integral tambe di e teritorio komunitario di Union Europeo. Ku otro palabra ku nan lo risibí e UPG-status na aña 2020. Hulanda mester a evaluá BES despues di 5 aña di 2010 (na 2015) i a hasi esei pa wak si BES tabata kla pa kambia di LGO-status pa UPG-status of alomenos ta riba e kaminda pa risibí e UPG-status na 2020 manera palabrá ku Union Europeo. Den e evaluashon a sali na kla ku BES no tabata kla ainda pa risibí e UPG-status pasó nan nivel di bida, provishonnan i fasilidatnan no tabata ekivalente ainda komparabel ku e nivel di bida na Hulanda/Europa.

Kòrsou ta un pais, outónomo den Reino Hulandes ku un LGO-status, pero Kòrsou tin un outonomia disfrasá, dor di diferente asina yama “consensusrijkswetten” pa entre otro finansas i hustisia. Bon mirá pues Kòrsou no tin outonomia kompletu manera por ehèmpel Aruba si a risibí na 1986. Echo ta ku Kòrsou su outonomia a start riba pia robes. Kòrsou a haña solamente sierto grado di libertat i outoridat pa manehá algun áreanan i si Kòrsou no ke esaki, Kòrsou mester bira independiente anto sali for di Reino Hulandes. Mirando e situashon aktual KUMUN no ta opta pa Kòrsou kana un kaminda di independensia deskabeyá, iresponsabel i den bankarota. KUMUN ta opta e ora ey pa Kòrsou integrá den Hulanda/Europa.

Kiko ta e diferensia entre BES i Kòrsou?

Komun no ta opta pa provinsia pasó ta ku e otro islanan (èks-kolonianan Hulandes) huntu (kada unu komo munisipio) Kòrsou por forma un provinsia. Loke no ta kumbiní nos ta ku ta bin un “laag” di gobièrnu (komparabel ku gobièrnu di Antias Hulandes) entre e gobièrnu di Kòrsou i e gobièrnu di Hulanda. KUMUN ta boga pa Kòrsou mantené un laso direkto entre e gobièrnu di Kòrsou i e gobièrnu di Hulanda manera awor aki ta e kaso. Banda di esei KUMUN no ta bringa na interes ni pa interes di e otro islanan (èks-kolonianan Hulandes). KUMUN su lucha ta pa Kòrsou. KUMUN no ke 6 munisipio anto riba dje un gobièrnu (digamos un gobièrnu Caribisch Nederland) i despues e gobièrnu di Hulanda. KUMUN ke mantené e laso direkto ku Hulanda den forma di un munisipio meskos ku Saint Martin (Franses) tin un laso direkto ku gobièrnu di estado franses.

E siguiente paso sí KUMUN haña e asignatura di gobièrnu despues di elekshon.

Si KUMUN logra haña un kandidat mínimo di 6 asiento i forma gobièrnu KUMUN lo yama i pone un referendum. Si KUMUN no tin un mayoria di asiento pero tòg forma gobièrnu KUMUN lo bin ku e moshon pa yama i pone un referendum na votashon den Parlamento. KUMUN lo skohe pa traha ku un partido ku ta kere den e ideologia di traha huntu ku Hulanda, pa asina KUMUN logra e metanan pa un Kòrsou próspero, desaroyá, un pais ku un futuro stabil i kaminda su hendenan ta felis.

Nos gobièrnu lokal si nos skohe pa bira munisipio di Hulanda.

Komo munisipio (gemeente) Kòrsou ta keda ku un gobièrnu lokal. Loke lo bira un gobièrnu munisipal. Meskos ku na Hulanda i tur otro pais na mundu ku tin munisipio, e munisipio tin loke nos ta yama na Hulandes un:

  1. gemeenteraad (awor aki konosí komo nos Staten/Parlamento);

  2. college van wethouders (awor aki konosí komo Ministerraad òf Gabinete);

  3. gekozen òf aangewezen Burgemeester (ántes konosí komo “Gezaghebber”).

Kòrsou lo tin poder pa ehersé tantu tareanan di un munisipio i tareanan na nivel di un provinsia. Saint Martin (Franses) por ehèmpel ta hasi esei awor aki. Saint Martin no ta kai bou di un provinsia, regio òf departamentu franses. Saint Martin ta atendé direktamente ku gobièrnu di estado/repúblika franses.

E 7 áreanan ku Hulanda ta garantisá na nivel di gobièrnu di reino pa medio di e asina yama COHO (Caribisch hervormings- en ontwikkelingsorgaan) pa Kòrsou ta: salubridat/medio ambiente, enseñansa, infrastruktura, finansas, derechi di estado, ekonomia (reforma) i gobièrnu (restrukturá e aparato gubernamental). Den kaso ku Kòrsou bira un munisipio Hulandes, Europa ta kontrolá si Hulanda ta kumpli ku realisashon di un nivel mínimo Hulandes/Europeo riba e 7 áreanan aki na Kòrsou. E garantia aki ta ankrá bou di artíkulo 299, insiso 2 di Tratadonan di Union Europeo.

For di 1954 Kòrsou a prueba di no a logra hiba un finansas responsabel i madurá, un maneho ekonómiko duradero i halsa nivel i kalidat di bida. Kòrsou NO a logra manehá tampoko e poko outonomia ku el a risibí for di aña 2010. Kòrsou a hiba mal maneho ekonómiko, finansas públiko deskabeyá, iresponsabel i sin madures, enseñansa na bankarota, rekoudashon di impuesto deplorabel, un falta di mantenshon di lei, etc. Durante añanan mas ku 160.000 YDK a emigrá pa Hulanda i mas ta na kaminda pa bai.

Ki garantia tin estando parti di Europa ku e mínimo di 7 area ta wòrdu kubrí?

Hulanda lo aseptá Kòrsou komo munisipio?

E èks kolonia tanten ku e no ta independiente tin e derecho di outo determinashon i skohe su propio futuro. Hulanda di otro banda tin e deber kolonial di yuda i asistí e èks-kolonia di realisá, ehekutá i konkretisá su eskoho a base di su derecho di outo determinashon. E deber ei ta mará den e Karta Magna di Nashonnan Uní bou di artíkulo 1, artíkulo 2, artíkulo 55, artíkulo 73, Resolushon 1514 di Nashonnan Uní i artíkulo 94 di Konstitushon Hulandes. Si den futuro e pueblo ta deseá, semper atrobe pa medio di un referèndùm, e pueblo por skohe pa Kòrsou para riba su propio pianan, pero kedando den Europa, bou di tratadonan firmá i akordá ku Union Europeo, kaminda Kòrsou ta sigur di e leinan i kontrolnan i e provishonnan i fasilidatnan ku Union Europeo ta garantisá den su Tratadonan.

Despues di kuantu tempu Kòrsou lo bai mira fruta di ta un munisipio Hulandes?

Esei ta dependé di e mentalidat (mindset) di e YDK mes. Mester traha riba e aspekto mental, riba aktitut i pensamentu di nos pais Kòrsou. Mester Re-eduká e generashon ku tei kaba, i esnan ku tin ku bini ainda, i kana yega na e YDK ku KUMUN ke mira.

E YDK pro-aktivo, ku ta lora manga di kamisa, ku ta sali pa su mes, i traha pa hiba Kòrsou dilanti. YDK mester buska mas konosementu. KUMUN ke pa Kòrsou logra di trese su yunan ku ta leu fo’i kas bèk na kas i ku e yunan ku ta na kas ainda, rekapasitá nan mes pa na por traha i hasi tur tipo di trabou.

KUMUN kièr kita for di e imágen ku e YDK ta sinta bou di palu, sin hasi nada anto stèns ku ta otro mester solushoná su problemanan. KUMUN ke un YDK ku ta respetá su mes, un YDK trahadó, un YDK i pais sin kompleho di inferioridat. Kòrsou mester ta un pais ku ta traha pa prosperidat, ku ta kumpli ku lei i norma i balornan, konforme lei ta kontribuí na e kaha di gobièrnu pa duna bèk na e komunidat. Ku e sèn di impuesto e YDK ta haña bèk: un enseñansa na nivel, infrastruktura na nivel, servisio médiko na nivel, awa, lus, telefòn i servisio di Internet na nivel, etc. E leinan di Union Europeo i leinan Hulandes ta garantisá e nivel di kalidat di produkto I servisio ku bo ta paga p’é bo ta risibí.

Ki garantia tin ku KUMUN lo logra tur loke KUMUN primintí?

Mirando ku ya kaba nos tin e COHO, KUMUN ta kere ku Kòrsou lo bai mira fruta den e añanan binidero. E kambio lo tuma su tempu, pero mester drenta e proseso di transformashon for di awor aki pa reformá Kòrsou. Kòrsou lo pasa den un temporada agudo meskos ku p.e. Singapore a pasa aden promé ku el a bira un pais eksitoso. Un kos si ta sigur, nos NO por keda hasi meskos años tras di otro i pretendé di logra otro resultado. Djis kompará p.e. Saint Martin (Franses) i Sint Maarten Hulandes. BES ta un “test case” pa Hulanda pa loke ta trata e transishon di LGO pa UPG. E tèst aki te ainda ta kanando riba e bon kaminda. Esaki nos ta konklui dor e siguiente echosnan:

  • Bonaire p.e. tin kinderopvang i bijzondere opvang garantisá pa estado;

  • den enseñansa SGB a amplia e kantidat di disiplinanan na nivel MBO te ku 29 disiplina pa halsa e konosementu di e Boneriano;

  • sèn di NOW den kaso di kualke kalamidat manera p.e. den kaso di covid-19 ta garantisá dor di Union Europeo;

  • e presupuesto di e gobièrnunan di BES ta ser garantisá pa 85% pa Hulanda;

  • subida di uitkeringen, minimumloon i AOV na yüli 2020;

  • inflashon ta bahando despues di introdukshon di dollar: prijs i kosto di bida ta nivelá bèk. Boneiru tin un prizon nivel Hulandes/Europeo;

  • aktualmente ta drechando infrastruktura;

  • Wet Schuldsanering Natuurlijke Personen (WSNP) lo ser ehekutá na BES pa saka e persona den debe fo’i debe i siñe anda ku sèn. Si den 3 aña bo por demostrá di a tene bo mes na regla i palabrashon nan i no ta debe ku konsientemente a ser kreá, korte/wes ta dikta ku debenan ku bo por a sobra despues di 3 aña ta ser kanselá. Esei ta enserá ku kreditornan no por eksigi nan debe mas.

Tur esaki ta forma parti di e transformashon di e hende i e munisipio ku ta bai tuma lugá.

Nos por sigui biba i gosa di nos kultura. YDK ta keda biba aki. Hulanda no por obligá Kòrsou pa kambia loke ta trata kultura etc. YDK ta mantené su idioma i YDK ta mantené su kultura karibense/latino amerikano. Ta YDK tin ku definí su propio identidat, norma i balornan, idioma i kultura. Ta e norma i balornan komun ku YDK ta kompartí ku otro, ta forma i krea su kultura. No ta importá kualke supervishon eksterno of den kua kuadro hinka Kòrsou, sea ta un kuadro Europeo, latino amerikano of norte amerikano, ta YDK ta definí su identidat. Esei ta Kòrsou su responsabildat. Union Europeo ta duna Kòrsou fondo disponibel pa Kòrsou keda mantené, desaroyá i propagá su kultura, su identidat i su idioma.

Nos kultura i nos lenga Papiamentu, kiko lo pasa ku nan?

Dòler òf Euro?

Na e momento ku Kòrsou opta pa un UPG-status, Kòrsou ta kai den e asina yamá Eurozone. Por opta pa un transishon pa dòler promé ku bai pa euro. Pero mirando e realidatnan finansiero ekonómiko mundial i e instabilidat di dòler na e momentunan aki, KUMUN ta opta pa bai pa Euro mesora i banda di esei pa skapa Kòrsou di pasa e trayekto di kambio di moneda 2 biaha. Naturalmente e transishon di moneda lo tin su tempu di ahuste, den kua kosto di bida lo subi den promé instante, pero lo nivelá despues di introdukshon di e moneda nobo. Estado tambe lo kompensá e pèrdida di forsa di kompra. Un bentaha di un transishon pa Euro ta tambe ku Kòrsou lo lòs for di e unidat monetario ku Sint Maarten. Meskos ku Martinique, Guadeloupe, Guyana Franses i Saint Martin (Franses). Kòrsou tambe su moneda lo bira Euro den tempu.

KUMUN i su tim tei pa yuda ehekutá e COHO (Caribisch hervormings- en ontwikkelingsorgaan) ku ayudo di Den Haag i garantisá ku esaki lo tuma lugá. KUMUN ta opta pa bai di akuerdo ku e COHO mas lihé ku ta posibel, mirando ku e COHO lo tuma 7 aña pa restrukturá i re-edifiká Kòrsou. Pues ku otro palabra e transishon di Kòrsou den un estado di káos i bankarota pa un Kòrsou mas hustu, na órdu i próspero. Ademas e COHO lo invertí mesora den e 7 áreanan menshoná: enseñansa, salubridat/kuido médiko, infrastruktura, finansas, ekonomia (reformá), gobièrnu (aparato gubernamental) y estado di derecho. KUMUN ta mira e trabou di e COHO durante 7 aña – e transformashon di Kòrsou- komo e fase di preparashon pa kana drenta e fase di UPG status.

Kiko ta KUMUN su posishon pa ku e COHO?

E strategia di KUMUN tokante ‘’big boys’’ i kon tei konvense mayoria?

KUMUN ta konsiente ku KUMUN lo haña oposishon den su trabou. Ta pesei KUMUN a buska sosten for di Hulanda. KUMUN sa kiko e ta bai enfrentá. KUMUN tin kontakto ku Tweede Kamer Hulandes i kas real pa e sosten moral. E meta di KUMUN ta un proyekto di eskala grandi kaminda tin ku kambia un pais i pa medio di ayudo eksterno KUMUN mester bai logra esaki. E pueblo mes ta mirando ku Kòrsou ta un pais kaminda YDK tin solamente pèrdida den forsa di kompra, un desempleo di mas ku 40%, un pais ku kontrakshon ekonómiko di mas ku 25%, subida di kriminalidat, etc. Bankonan komersial i instansianan ku no ta hañando entrada i ta hibando pèrdida, Kòrsou no tin un presupuesto balansá, no tin maneho ekonómiko i un eksodo masal di YDK pa Hulanda ta na kaminda, i un “braindrain” di kua Kòrsou lo no por rekuperá por lo pronto. Pa skapa Kòrsou di esaki KUMUN ta bisa laga Hulanda bin Kòrsou i YDK ta keda Kòrsou ku seguridat sosial, bienestar, porvenir, su norma i balornan, su kultura etc. pero na òrdu, kaminda tur hende ta kumpli ku lei. Un pais próspero kaminda tur hende ta paga impuesto i tin e garantia di un futuro briante pa su futuro generashonnan.

No ta loke ta hasi nos diferente. Ta loke nos tin en komun.

Luigi Faneyte, Lider Politiko KUMUN